【Viu】 時隔十年林嘉欣再次重返劇場，同多年老友甄詠蓓以及資深舞台劇演員泰臣、金像獎美術指導文念中，仲有幾位年輕演員組成超強班底，聯手打造體驗式音樂劇場《塑像譜》 ！佢哋分別演繹四個關於時間扭曲，同命運缺失嘅故事 。其中嘉欣負責創作主演嘅《夏蟬》，講述母女之間糾結嘅感情，有部分都係嚟自佢現實生活嘅影子，仲話自己由細俾阿媽藤條打到大，而家自己有咗小朋友都要報course學做媽咪啊！參加《全民造星II》得季軍出道嘅Oscar，對比同屆嘅Phoebus同MC張天賦，演藝道路似乎就冇咁順風順水，佢都好坦白自己有時候都會好emo，不過行得慢又唔代表係壞事嘅，今次終於俾佢遇到好機會，可以同嘉欣呢班猛人前輩合作喇！
