【Viu】陳柏宇（Jason）嘅太太符曉薇（Leanne）不幸經歷兩次流產，但噚日喺社交網公布懷孕喜訊，認真恭喜晒！Jason今日聯同黃妍、DJ King、力臻出席《UNIK ASIA FESTIVAL 記者見面會》，難掩再度榮升做爸爸嘅喜悅。將會再度榮升爸爸嘅陳柏宇，就話原本老婆想再遲啲公布懷孕消息，不過佢當時得知呢個喜訊，以平常心看待。講到Leanne曾不幸經歷過兩次流產，今次再次懷孕，Jason話無乜壓力順其自然，唔會因上次經歷會特別小心，並唔係操勞而流產，而太太好叻，就算有壓力都唔會影響心情同生活。Jason仲話太太嘅預產期為明年三月，等待BB出世後，一家人返加拿大探望公公同外婆。
C AllStar成員King（吳崇銘）近年以DJ King身分發展，講到有份參與《UNIK ASIA FESTIVAL》，佢到時為時裝騷打碟，覺得可以喺個騷打Techno同Tech house嘅音樂，覺得好開心。佢仲話跟C AllStar完成聖誕騷後，會有自己嘅創意作品出現，亦有計劃推出電子音樂嘅專輯。
