【Viu】談善言喺ViuTV原創劇《野人老師》入面，飾演大地小學嘅老師晨光，佢同由Stanley飾演嘅李白老師有唔同嘅價值觀，覺得李白係邪惡軸心。李白同晨光嘅衝突，正正反映現實社會對求分數定求知識嘅分歧，傳統學校出身嘅阿談，最慶幸父母明白事理。雖然喺劇集入面針鋒相對，但其實阿談同Stanley係中學同學，由細玩到大㗎！高大靚仔嘅「馬鞍山巨龍」，那些年梗係校草嚟啦，咁文青女神阿談又係咪校花呢？佢似乎有料爆喎！至於旦哥呢位大前輩，阿談就更加有讚冇彈啦！如果旦哥係生活智者，阿談就應該係「生活智障」喇，呢個核心問題，仲搞到佢唔敢生仔。除咗有健忘症，阿談仲自認係一個奇怪嘅演員嚟，所以當網友封佢做女神，連全能強尼都喺節目表示欣賞，阿談就有啲老尷喇！
