【Viu】今年3月約滿舊東家，正式回復自由身嘅張明偉，雖然冇左公司做後台，但反而多咗機會接觸唔同工作，早排仲有份客串演出Viu Original原創劇《Diane Be True呈獻：#她和她的戀愛小動作》，同女神林千渟演對手戲！雖然阿偉已經入行十年，不過演出嘅角色多數都係客串配角，所以佢都好期待可以有一個正正經經嘅角色，俾佢過足戲癮啊！而除咗演戲之外，阿偉另一個終生至愛就係夾Band，而且仲係樂隊Charming Way嘅主音，嚟緊佢都想放多啲精力喺音樂上，仲話好希望帶住自己隊Band去走Tour添啊！
