【Viu】「小明」方皓玟 、Kay謝安琪一連兩晚攻亞博開騷，頭場座無虛席。甫開騷小明、Kay分別以橙色、桃紅色嘅西裝套裝登場，就連髮型都係copy長髮，簡直就好似一對孖妹咁！其中小明套西裝更出蠱惑玩中門大開騷身材，硬撼着低胸裝嘅Kay！
兩位歌姬一嚟就帶嚟《假使世界原來不像你預期》、《獨家村》、《臭男人》同《Lady Copy》成功俘虜全場fans對耳仔，之後又講到好開心呢場騷可以順利舉行，估計關騷前曾傳出保險不獲保險公司受理一事，兩女坦言有好多狀況要處理，不過私下收到好多鼓勵、支持、窩心嘅message，畀咗好多信心佢哋，令佢哋更有力量向前行！
