【Viu】張敬軒、Mischa葉巧琳同Cath黃妍今日唱爆商場騷,好似開咗個小型音樂會咁,其中軒仔更首唱新歌《賽勒斯的愛》,搞到核心內、外圍幾百名fans極之hyper!受訪嗰陣佢講到9月嘅明星籃球賽,自爆做隊長有啲壓力,打趣指佢有「Jordan」呢個名護身,軒仔聽到係咁搞爛gag:「我係尖沙咀附近嗰個Jordan(佐敦)!諗住叫佢哋擔梯畀我入樽,有新嘅歇後語『軒公擔梯』!」真係笑死冇命賠!
同場嘅Cath都係籃球賽參加者之一,見佢平時斯斯文文拎結他唱歌就叻啫,打波又掂唔掂㗎?佢搞笑自爆係一場美麗嘅誤會,指當初知道有呢個比賽嗰陣,以為自己只係上台唱歌表演或做啦啦隊,點知係要打波,所以自認零球技嘅佢要急搵教練求救!而Mischa透露新歌MV有濕身、打鬥鏡頭,係豁出去嘅新嘗試!
張敬軒預告明星籃球賽表演軒公擔梯 黃妍矇盛盛參賽以為做啦啦隊