【Viu】由《全民造星4》幾位參賽者 VAL、CK、暐翹、榛綦及Ariel自資組成的女團Strayz，噚日正式亮相，首次喺公開場合演出《TIME‘S UP live》。Strayz唱咗《#A5110》、《純孩兒》及首支派台歌《Stray》三首作品，為咗呢次演出，Strayz喺出Show前三星期將歌曲重新編曲，認真有誠意！不過噚日演出中，現場出現咗技術問題，Strayz嘅「笑話擔當」Ariel隨即情急智生，同隊長VAL喺台上一唱一和搞爛gag，成功炒熱氣氛！對於今次處女演出，VAL就話一開始都有啲緊張，但跟住第二、三首歌就放鬆晒嚕；Ariel都話見到台下有FD子不停影佢，見熟人就即刻輕鬆返曬！
暐翹又透露為咗答謝Fans嘅厚愛，佢哋親手準備咗小禮物，「榛綦係我哋嘅廚藝部，佢整咗曲奇，再加埋我哋做嘅心意卡，送俾Fans。」平時Fans應援撐偶像就見得多，但Strayz反客為主冧爆Fans，夠晒反傳統呢！
