【Viu】Hillary劉沛蘅今日喺屯門出席活動，講到佢噚晚又po同男友洪卓立嘅放閃相，佢解釋只係瞓唔著搵嘢po，唔係刻意放閃，仲話有好多黑圖未公開，包括敷mask相，但就冇影過再激啲嘅浴缸相之類喇！
Hillary直認有帶過立立返屋企食家常便飯，媽咪對「未來女婿」讚不絕口，讚佢高大靚仔兼有禮貌，講到立立自爆儲緊老婆本喇喎，Hillary冧爆話等男友儲夠先諗嫁唔嫁，甜到呢！至於有網友話之前立立戴帽同口罩嘅放閃相，驟眼睇似姜濤，Hillary就話各有各靚，但男朋友喺自己心目中永遠係世一，喂呀！肉麻到呢！
此外，Hillary有異性都有人性，唔會抛低sister阿正，雖然身邊嘅男性朋友都死會，但自己會識多啲人介紹畀阿正，係愛呀！
