【Viu】相信有睇開ViuTV嘅觀眾，都好佩服「格仔導演」Mike劉諾衡，年紀輕輕嘅佢，暢談誤打誤撞入行嘅經過，同埋拍攝綜藝節目嘅苦與樂！Mike導分享《花姐ERROR遊》嘅拍攝初衷，講到觀眾最難忘保錡喺雪地幫手頂撞花姐一幕，Mike導都話估佢唔到，所以之後拍《ERROR自肥企画》有刻意令保錡唔再跌入負面輪迴，果然夠兄弟呀！
講到呢兩個節目堪稱電視史上嘅經典，Mike導同大家一樣有成長嘅痛，認為自己已經變咗，顧慮都多咗，未必回得去從前，又寄語年輕人入行前要三思，因為電視業應該好快收皮！嘩！咁敢講得唔得㗎？
