【Viu】黃德斌、吳卓羲（Ron）、栢天男、陳豪、駱振偉（Thor）同張建聲等，噚晚出席電影《逃獄兄弟3》首映，Ron透露今輯打到飛起，好期待上映睇吓自己嘅表現，德斌即取笑佢轉型做動作演員，自己都驚畀佢打呀！講到德斌同Anson Lo盧瀚霆、Jer柳應廷合作新劇《百萬同居計劃》，咁鏡仔有冇留飛畀大叔睇演唱會飛呢？德斌就話自己冇飛喺手，亦冇飛賣，如果有的話，會帶埋Ron一齊去，Ron即刻話想睇呀！
此外，Thor喺《逃》片中主要同德斌演對手戲，可惜嗰時未知要拍劇集《死角》，趕唔切請教德斌請教點操肌，但大讚德斌副Body係所有男士夢寐以求嘅！Thor又話唔敢向同劇嘅正副隊長Lokman同AK拎飛，自嘲係做唔到嘢嘅小人物，幫唔到朋友訂飛㗎！
