【Viu】麗英推出新歌《東京一轉》唱盡港人思鄉之情，喺首歌入面佢仲特登加咗日本便利店嘅音樂落去，真係聽到大家遊日嘅回憶都返晒嚟！自細受到日本文化影響嘅佢，為咗唱好日文歌仲走去學日文，不過問到麗英有冇興趣識返個日本男朋友，佢就即刻Say No話鍾意香港男仔多啲喎！麗英由KOL轉型到歌手，之前喺新城仲拎埋新人獎，成績真係唔錯㗎，不過升呢做歌手之後，佢就發現唱歌好簡單，但做歌手就好難噃！除咗唱歌，麗英都好鍾意演戲，佢仲話演搞笑角色對佢冇難度，反而如果同靚仔演愛情戲就好大挑戰啦，而呢個對手首選就當然係男神Jeffrey啦！不過唔知阿正肯唔肯呢？
