【Viu】Edan新歌《Elevator》MV上架半個月點擊率已經衝破320萬！咁好成績Edan梗係要派福利開心吓啦！佢公開MV幕後花絮Vlog，嘉賓齊集，第一組當然係MIRROR兩位好兄弟啦！不過阿Jer似乎對Edan有啲微言，覺得佢喺伙食方面安排得唔夠周到，難怪事後教主同阿Jer都要求Edan還人情債，請佢哋食Omakase啦！至於Edan嘅正印小儀，終於俾佢恨到可以參與Edan嘅MV，過吓戲癮，梗係咩角色都肯制啦！而且Edan把口仲得鬼死咁甜，話小儀係佢嘅新娘必然之選！除此之外，呢晚拍攝仲有家英哥同電影《闔家辣》嘅導演Coba，大家為咗Edan，不惜冒住疫情同眼瞓嚟客串，呢啲咪就係愛囉！
