【Viu】Model身份入行嘅談善言，當初因為幫同學仔，做Fashion Show嘅dresser，認識咗Model公司嘅人，誤打誤撞咁入咗影圈，而家已經係一位曾經提名金像獎最佳新演員嘅女星，認真叻女！為咗角色瞓晒身嘅談善言，拍《告別之前》演癌症病人仲自告奮勇剃光頭，真係唔係人人做得出㗎！不過硬朗性格同外表令談善言接到嘅角色都比較倔強，令佢一度擔心會被定型，加上回顧返自己嘅作品，發現個個角色嘅感情線都幾唔如意，搞到佢都話想好好談一場圓滿嘅戀愛啊！談善言仲自爆讀書時期，曾經主動結識師姐湯怡呢位女神，仲同MIRROR嘅Stanley係同學仔，成班朋友到而家都會不時約飯局見面添啊！
