【Viu】ViuTV真人騷《肥美人》噚晚首播，一班參賽者除咗喺自選才藝瞓身表演，爭取晉級機會之外，佢哋仲剖白自己嘅心路歷程添，其中朱朱仲透露中三嗰時，曾經因為一個訪問被放上網，引嚟討論區嘅網民攻擊佢嘅身材，但性格樂觀相當樂觀嘅朱朱都唔太在意，覺得冇所謂。大碼Model Lezlie當然都有唔少親身經歷啦，不過佢就覺得躲喺電腦後嘅人可能只係唔滿意佢哋嘅生活比自己精彩、比自己貪靚，所以先會產生呢啲唔同嘅聲音！而擔任主評判之一嘅何超儀，喺節目播出後，都畀網民批評佢發福不少，個妝仲有啲似電影《少林足球》入面嘅阿梅添！都話最緊要活得精彩，做乜仲評論外表啊？
