【Viu】早前ViuTV真人騷《肥美人》的29位參賽者，已經率先喺網上曝光，其中有幾位Big Girl喺節目開播前，已經成為網民心水大熱人選！分別有網民最Like，外號洋腸嘅12號邢洋陽，因為網上票數最高可以直入16強；另外仲有憑住靚樣跑出嘅11號陳曦雯Heyman同19號馮子恒比比，一個係樣靚聲甜嘅主唱歌手，另一個就係空中瑜伽高手！而最有話題性嘅就係一個係體重之冠，重達270磅任職大碼Model嘅8號陳映同 Lezlie，以及有女版肥仔之稱嘅舞蹈達人1號丁丁 丁珮筠，佢私底下仲係一位神徒添！今次比賽嘅評審陣容都唔惹小！初賽有阮小儀、何超儀同「蝦頭」楊詩敏擔任主評審，另設由14位不同界別專業人士組成嘅評審團，當中包括MIRROR御用排舞師Rock sir 、口罩小姐浩南、膠戰主持人肥腸等等，加埋駱振偉、練美娟、陳葦璇三位主持，嚟緊星期一，4月11號就有得睇喇！
