【Viu】《膠戰》主持肥腸以及岑珈其，噚晚上《今日疫情》做嘉賓，大家都追問《膠戰S3》幾時出，肥腸就爆料，話最近有6個人齊人出現喺Viu，唔知係咪《膠戰S3》開拍呢？珈其就話希望社交措施放寬之後，《膠戰S3》可以出埠拍攝，仲話希望去勻地球所有地方呀！珈其主演嘅電影《緣路山旮旯》早前喺大阪電影節首映，反應相當唔錯，珈其就話冇諗過當地人會鍾意，對於有人讚佢靚仔，佢就回應可能自己單眼皮同日本人好似樣。另外喺《反起跑線聯盟》入面，珈其同潘燦良有唔少對手戲，佢大讚對方係一位好好嘅前輩，喺燦哥身上學到好多嘢。
