林日曦形容3人為「Three C Meeting」！
【now.com】鄭秀文（Sammi）昨晚紅館演唱會來到第5場，原本她專程挑選一條火焰紅裙來配襯「明蝠俠」黎明，豈料Leon未出場，Sammi唱到到爆裙，嚇得她尖叫嗌救命！她笑言：「我都話Part2有嘢唔同㗎啦，又走音又爆裙，一陣甩褲添啊！」
Leon上台後，Sammi指剛巧兩人的演唱會都有意外發生：「你失篷、我失聲，但我哋處理危機方法都唔錯呀！」之後他們拉埋觀眾席上的「腦細」林日曦上台，他一上台即要求和Sammi抱抱，更好笑的是，Leon問：「不如一齊攬吓吖？」三人再來個世紀擁抱。
林日曦大放笑彈說：「其實係黎明十日前約我嚟做嘉賓，雖然隔住個電話，但我知佢用好深情嘅眼神對我講：『做演唱會嘉賓，自然係最緊要，最緊要自然！』喂，你兩位天王天后就梗係自然啦，我係正常人，從未上過紅館個台，十日前就開始唔自然，黑面黑到而家！」三人台上自拍後，Sammi落台換走爆軚裙，林日曦就開facebook直播Leon唱新歌《我唔係死蠢》。
演唱會encore時，Sammi再換新裝出場，今次索性真空大露背，全場嘩然，她風騷地向觀眾掟紀念品毛巾和tee，在熱烈氣氛下完場。
林日曦形容3人為「Three C Meeting」！
林日曦說：「作為正常人，見到明星梗係呃合照！」（facebook圖片）
林日曦一次過攬晒Leon同Sammi，羨慕死人！
Leon解釋「明蝠俠」冇到，因為胃部不適要除掉盔甲。
未爆軚前的火焰紅裙。
一爆爆到落屁股。
Encore時索性真空大露背上場。
好性感啊！
仲有另一套靚裙。
楊千嬅與老公丁子高昨夜捧場。
洪天明夫婦
