【now.com】寇鴻萍長女唐貝詩（Lydia）和組合「少女標本」三位成員袁紫僑（CoCo）、許雅婷（Kabby）及簡淑兒（Jessica），早前獲邀到馬來西亞雲頂演出。Lydia又在演出前特別跟老師學唱歌，又做運動練氣，第一次處女開唱的她直認心情既緊張又騰騰震；另外，由於雲頂處於高海拔地區，向來心臟有毛病的Coco更一度出現呼吸困難，幸無影響表演。
開騷零經驗的Lydia，處女演出大唱孫燕姿的《遇見》及任賢齊的《對面的女孩看過來》，又同dancer跳舞，觀眾反應熱烈，Lydia話初時有擔心，她說：「坦白講，上台前我真係有啲驚，但見到觀眾咁支持我，對我嚟緊嘅表演更有信心。」
至於本身有心律不正的Coco，一度出現呼吸困難，她說：「為咗有好嘅演出，前一晚狂練歌到深夜，搞到第朝綵排時，心跳突然急促，個人都有啲暈暈哋，工作人員話我臉都青埋，好彩休息之後冇事，照常表演。」
唐貝詩首次到馬來西亞雲頂演出，大唱金曲。
袁紫僑（CoCo）心臟有毛病，開騷前一日更差點暈倒。
（左起）簡淑兒、許雅婷、唐貝詩、袁紫僑齊齊演出。
