般奴復任正選失機 曼聯半場悶和車仔

【Now Sports】曼聯周六在英超頭場作客車路士，去仗被貶為後備的隊長般奴費蘭迪斯重列正選，上半場曾埋門失機，紅魔半場與車仔打成-0:0。

般奴費蘭迪斯（Bruno Fernandes）在上輪主場不敵般尼茅夫時被貶後備，今仗重返正選行列並續任隊長。除他之外，利辛度馬天尼斯及古亞亦獲派正選。車路士於周中英格蘭聯賽盃不敵利物浦，今仗亦變陣，其中巴西翼鋒伊斯迪方今季首次在英超正選上陣。

伊斯迪方於上半場早段曾入球，但因越位在先入球被判無效。曼聯攻勢比車路士猛烈，般奴曾在一次快速反擊，在禁區內面對車仔門將彭達斯射門偏離目標，錯失良機，而古亞於34分鐘接應麥佳亞頭球傳送後撞入，亦因越位在先被判詐胡。完半場前，車仔在一次角球攻勢埋門中柱。雙方半場未有入球。