【Now Sports】 曼聯作客車路士，領隊卡域克又面臨另一大考驗。香港曼聯官方球迷會會長Bob認為卡域克已付出一切努力，值得球迷尊重。
問：記者
B：Bob（香港曼聯官方球迷會會長）
問：上仗落敗後，現場球迷向卡域克拍掌，而向球員喝倒采。依你哋觀察，係咪好多曼聯球迷依然對卡域克有信心？
B：我相信球迷嘅反應，係認為即使成績咁差，雖然卡域克都有部份責任，但佢已經係成間球會入面付出咗100%嘅人，相比起球員，同埋班垃圾管理層，佢已經做盡，值得球迷嘅尊重。
問：卡域克日前同般奴費蘭迪斯傾談，你哋相信矛盾解除嗎？點睇般奴今次作出嘅言論？
B：我又點會知呢？又無球迷開過嗰個會，即管睇吓般奴嚟緊幾場會唔會落場、落場嘅態度同表現，就會知得更多。
問：曼聯硬仗連場，估計今場鬥車路士戰況如何？
B：希望開完個會之後球隊表現會有好轉，唔期望會有好大轉變，始終板凳深度嘅問題喺1月之前，都唔會解決得到，但車路士上場都輸波，希望可以偷吓雞唔使輸，甚至贏一球啦。
【冠軍球迷會積分表】
排名 球迷會 上周積分 本月累計積分
1 巴塞香港官方球迷會 0 9
1 Hong Kong Lions Club 0 9
1 熱刺香港 Lilywhite HK 0 9
4 阿仙奴香港官方球迷會 0 7
4 香港曼聯官方球迷會 0 7
4 香港紐卡素官方球迷會 0 7
7 皇家馬德里香港官方球迷會 2 6
7 國際米蘭香港球迷會 2 6
7 曼城香港官方球迷會 0 6
10 香港利物浦官方球迷會 0 4
10 香港AC米蘭球迷會 0 4
10 多蒙特香港官方球迷會 0 4
10 祖雲達斯香港官方球迷會 JOFCHK 0 4
14 香港車路士官方球迷會 0 2
14 拜仁慕尼黑香港官方球迷會 0 2
今輪場次1 車路士 VS曼聯
今輪場次2 華歷簡奴VS切爾達
巴塞香港官方球迷會
選擇1：車路士勝3:1
選擇2：切爾達勝2:1
簡述：英超西甲十六郎，中門大開不設防。
Hong Kong Lions Club
選擇1：曼聯勝1:0
選擇2：和1:1
簡述：曼聯可以反底，華歷簡奴切爾達各得1分。
熱刺香港 Lilywhite HK
選擇1：和1:1
選擇2：切爾達勝2:1
簡述：華歷簡奴防守差，不睇好。曼聯最後機會，或許能保持不敗。
阿仙奴香港官方球迷會
選擇1：車路士勝2:0
選擇2：華歷簡奴勝1:0
簡述：老師話：唔知點估嘅時候，估主場就啱㗎啦。
香港曼聯官方球迷會
選擇1：和1:1
選擇2：和1:1
簡述：不熟西甲，主觀希望曼聯能在史丹福橋取得分數。
皇家馬德里香港官方球迷會
選擇1：曼聯勝2:1
選擇2：和1:1
簡述：天藍留「歷」歐霸免閉翳，紅魔劏「車」反底振聲威。
國際米蘭香港球迷會
選擇1：和2:2
選擇2：切爾達勝2:1
簡述：曼聯將帥和解打拼勁；華歷簡奴力弱，主場都幫唔到。
曼城香港官方球迷會
選擇1：車路士勝2:1
選擇2：華歷簡奴勝2:1
簡述：華麗主場優勢；車路士主場勝。
香港利物浦官方球迷會
選擇1：車路士勝3:1
選擇2：華歷簡奴勝2:1
簡述：車路士有高爾彭馬復出，攻力有所增強，曼聯後防漏洞多。
香港AC米蘭球迷會
選擇1：車路士勝2:0
選擇2：和1:1
簡述：華歷簡奴主場防守穩健 曼聯低處未算低。
多蒙特香港官方球迷會
選擇1：車路士勝3:1
選擇2：和1:1
簡述：西甲兩隊勢均力敵；曼聯頹勢持續，慘。
祖雲達斯香港官方球迷會 JOFCHK
選擇1：車路士勝2:1
選擇2：和1:1
簡述：切爾達守穩料和局，車路士攻強曼聯低迷料險勝。
香港車路士官方球迷會
選擇1：車路士勝2:1
選擇2：和2:2
簡述：華歷今季入得又失得，主場搶分下勢必強攻！ 車仔上場打比進攻毫無章法，今場主場對死敵痛定思痛，能險勝！
註：有兩間球迷會今輪未有參與
玩法：
估中勝負得兩分 ，估中比數另得3分。
每周獲勝者，可獲「主場之利」決定下星期兩場焦點場次。
每月大結算，累計得分最多者成為「每月盟主」，鬥到最後由贏「每月盟主」次數最多的球隊，榮登「冠軍球迷會」。
車路士VS曼聯
Now TV 621台 31/10 20:30直播
Now TV 611台 4K直播
華歷簡奴VS切爾達
Now TV 632台 31/10 23:15直播
