【A&M Diary】泰式美食由舊舖搬咗嚟新舖之後，繼續由泰國嘅大廚主理，除咗正宗嘅味道依舊之外，更成為九龍城其中一間坐得舒服嘅泰國菜選擇，啱晒約埋朋友一齊嚟泰式美食品嘗暹羅嘅味道啦！
泰式美食：酸辣豬頸肉沙律
食泰國菜唔少得豬頸肉！泰式美食嘅豬頸肉燒到焦邊香脆，帶有炭燒香味；而醬汁以青檸同魚露為首，再混合不同醬汁，加添上一份清新嘅醒胃感。
酸辣豬頸肉沙律
泰式美食：冬蔭海鮮湯
泰式美食嘅冬蔭功湯，用上香茅、南薑、香葉等香料作為冬陰功嘅底味，另外加入咗大量海鮮，鮮甜嘅鮮蝦同青口、嫩滑彈牙嘅魷魚，喺酸辣以外，仲有海鮮嘅鮮甜，越食越開胃！
冬蔭海鮮湯
泰式美食：燒牛仔骨
泰式美食嘅牛仔骨口感軟腍，生熟程度啱啱好，而骨邊略帶油脂，令肉味更為juicy。
燒牛仔骨
