【A&M Diary】天時暑熱，三十幾度高溫真係搞到無晒胃口！呢個時候，最啱就係去九龍城食泰國菜，用酸酸辣辣、惹味香口嘅泰式滋味去喚醒你嘅味蕾，激醒悶熱嘅胃口！九龍城嘅鴻陞泰國菜由泰國人主理，雖然講到名氣唔係區內最高，但鴻陞泰國菜出品正宗又地道，絕對值得被看見的！
鴻陞泰國菜：沙嗲串燒
每次食泰國菜，串燒都係必點嘅！鴻陞泰國菜有齊串燒三寶：雞肉嫩滑、豬肉充滿油香、牛肉軟腍香濃，而且串串都充滿焦香味！但講到食晒啲嘅重點，鴻陞泰國菜嘅自製泰式沙嗲醬，香甜帶微辣，非常惹味。
沙嗲串燒
鴻陞泰國菜：醃鮮魷魚沙律
想洗走悶熱嘅感覺，鴻陞泰國菜嘅清新醃鮮魷魚沙律就啱晒你！沙律無普遍泰式沙律嘅辣度，取而化之嘅係一份泰式小清新。用上外表白雪雪嘅魷魚做主角，口感爽滑彈牙，帶有淡淡嘅海水甜味。配上嘅仲有一口大小嘅蕃茄同生菜，爽脆鮮甜，為沙律添進一份不同嘅口感同清新嘅感覺。
醃鮮魷魚沙律
鴻陞泰國菜：泰式燒牛肉
厚薄適中嘅牛肉，燒得啱啱好，唔會過老，肉質口感軟腍，肉味勁濃。鴻陞泰國菜嘅配搭醬料方面，有齊辣汁同沙嗲醬，沙嗲汁嘅花生顆粒掛喺上牛肉串上面，令濃濃嘅牛肉味當中添上花生顆粒嘅脆脆口感。
泰式燒牛肉
