抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時内《彭博》用戶搜尋量最多港股，依次為國泰航空、新秀麗、新世界發展、港交所、領展房產基金。
國泰昨日(12日)出咗業績，表現好過預期，但股價喺昨日(12日)放榜後先升後跌，今日一度步挫6.7%，險守10元關口，亦被多家大行唱淡。值得留意係，隨著航班供應量增加，乘客收益率按年跌近12%，局部抵銷貨運需求上升、客運量增加、燃油價格下降等利好，點睇國泰未來營運表現？
椽盛資本投資總監曾永堅認為，依家市場比較關注國泰嘅客運、貨運及成本。客運方面，由於旅遊需求於疫後復常，疫情期間嘅旅遊壓力亦逐漸釋放，因此，市場預期需求唔會明顯增加或減少，而係保持平穩，而國泰現時要面臨長途機競爭加劇嘅壓力。貨運方面，雖然國泰業績受惠於歐美小額貨運而表現亮麗，但由於市場擔心美國總統特朗普(Donald Trump)將來會重提取消小額豁免嘅政策，有機會損害國泰貨運收益。至於成本方面，國泰表明今年會再增加人手，勢令成本上升，而油價高居不下亦會對燃油成本構成一定壓力。
