【A&M Diary】同朋友們笑笑說說想想，不經意就肚餓喇！成班餃子控，真係唔洗諗，今餐一定係去食餃子啦！喺紅磡嘅勁餃笑，屬於家庭式經營嘅水餃店，水餃口味選擇多，充滿驚喜，值得推介。
醉雞翼、涼拌菠菜
醉雞翼有淡淡花雕香味，肉質偏實，十分入味；菠菜用涼拌煮法，更顯清新，開胃感。
大蔥牛肉餃、大葉雞肉餃
大蔥牛肉餃嘅肉餡同清真牛肉餅嘅感覺好似，肉味香濃，加上大葱嘅清香，所以新鮮感滿滿；如果喜歡紫蘇葉，就必食大葉雞肉餃！因為水餃以紫蘇葉為香味來源，雞肉肉質厚實。
