【A&M Diary】喺外國嘅唐人街，港式點心同港式燒味最常出現，被稱為最能夠代表香港嘅美食！而喺我哋居住嘅香港，當然唔難搵到燒味店，而燒味作為港人嘅comfort food，除咗放工斬料加餸之外，喺旺角嘅裕譽燒味專門店，堂食一碟燒味，更能即時品嚐燒腩仔同燒鵝嘅香脆！
叉燒燒鵝飯
叉燒、油雞、切雞、燒鵝、燒肉…每個人總有一個老是常出現嘅燒味雙拼組合，叉燒同燒鵝，就係我最喜歡嘅配搭。識食叉燒嘅人，就梗係叫半肥瘦啦，肉質嫩滑之餘，仲帶點油香，表面燒到微焦，加上蜜糖嘅香味，真係好正呀！至於燒鵝就絕對係旺角裕譽燒味專門店嘅名物，燒鵝皮香脆，皮下脂肪一啲都唔厚，所以罪惡感唔會太重，鵝油豐盈，肉質嫩滑，加上酸梅醬，真係太正了吧！
