【A&M Diary】台東長久而嚟都以務農為生，所以農產品豐富，有唔少特產美食。而近年積極發展觀光旅遊，除咗自然景觀，仲有一年一度嘅國際熱氣球嘉年華，銳意將台東打造成一個慢活嘅旅遊城市。至於位於北角嘅鐵花村，就將少見嘅台東美食帶嚟香港，餐廳嘅裝修亦融入台東嘅特色，打造成藝文小聚落，好似去咗轉旅行呀！
玉米起司蛋餅
蛋餅係台灣嘅地道早餐，餅皮煙煙韌韌，帶有淡淡蛋香。入而放有粟米同芝士，香甜之餘，仲有少少拉絲效果，口感一流。上面淋上醬汁，令味道更有層次，屬於台灣嘅原味道。
古早味滷排骨便當
滷排骨非常鬆脆，炸漿唔厚，夠晒入味！飯面有台灣香腸、雞蛋、花枝丸同菜。但因為台東係台灣出差農產品嘅地方，所以飯香軟熟，仲加入咗紅藜一齊煮，除咗增加口感，仲非常健康。
