【Now新聞台】截至早上11時正，《彭博》系統Top Search No.1為中石油(00857)，第2至5位分別為中國奧園(03883)、世茂房地產(00813)、廣汽集團(02238)、以及新秀麗(01910)。
中石油股價繼續喺低位橫行，今年以嚟跌咗約14%，個價已經好殘，但同期國際油價彈咗20%，而大部分分析師都call buy，中石油現價係咪有跌過龍之嫌？
京華山一國際研究部主管彭偉新指，中石油股價係咪跌過龍，同埋合唔合理，主要睇兩樣嘢，首先係國際油價，其次係不論官方或財新PMI都顯示經濟增長見咗頂，對石油需求影響幾大，所以油價升幫唔到中石油嘅盈利增長。佢又話，油價升最受惠嘅股份始終係...
