【Now新聞台】截至早上11時，《彭博》系統Top Search No.1是交通銀行，第2至第5位分別為李寧、東風集團、北京汽車及復星國際。
《華盛頓郵報》爆料，話有三間大型內銀，喺違反北韓制裁禁令嘅調查，藐視美國法院嘅要求同傳票，雖然冇開名，但指案情嘅細節，同2017年一個司法行動好吻合，當時美國司法部話，招行、交行、浦發行同香港一間公司，幫北韓嘅國營銀行洗黑錢。消息一出，即震散內銀股，「非常可疑」嘅招行同交行更加跌到趴喺度。
【財經TOP SEARCH】招行、交行同北韓「行埋」？
【財經TOP SEARCH】招行、交行同北韓「行埋」？
