【Now新聞台】狗年將至，訊匯證券行政總裁沈振盈及英皇證券銷售部副總裁林建華齊齊點評嚟緊一年嘅股市走勢。
沈大師話，戊戌通常對金融市場不利，加上以立春八字嚟講五行缺金，理論上對金融股走勢不利。大師又話，雖然五行缺金，但唔可以完全睇淡金價，金價將會喺流年四季當中將有升有跌，金價喺2月同3月嘅走勢最差，仲有機會急挫，下季會慢慢企穩，真正嘅高位會喺9月、10月出現，之後應該會向下，大師估計，金價有可能衝上每盎司1500美元。
至於投資策略建議部署，林建華指，現時有貨在手嘅可以揸多幾個月。大師就建議投資者持盈保泰，一股不留。
