抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now.com】有雪糕品牌喺啟德零售館搞免費派雪糕活動，網上有片段瘋傳，有幾名市民因為攞唔到免費雪糕而鼓譟，包圍職員發難。網民就對呢種行為睇唔過眼，認為佢哋太貪小便宜，唔應該為難職員。
該品牌喺商場嘅免費派雪糕活動吸引唔少市民排隊，只要即場讚好品牌Instagram專頁，就可獲贈雪糕一份。不過，現場反應似乎太熱烈，主辦單位準備嘅雪糕好快派晒，職員其後宣布因為要補貨，下午1點半至兩點半暫停派發，等補貨之後會恢復。根據官方資料，活動到當日下午6點結束。
網上流傳片段顯示，暫停派發期間，有幾個男女質問職員安排，因為未能即時攞到雪糕而表現不滿，有人直言要返工，話無時間等。
面對質疑，現場職員都有耐心解釋補貨安排，又提出先完成攞雪糕嘅程序，喺Instagram 出 Story，等雪糕補貨後優先派畀佢咃。不過呢幾個市民仍然不滿，有女子反問「我都未攞雪糕，POST咩STORY？」
事件在社交平台發酵，引嚟大批網民留言討論，唔少人認為職員處理手法克制，形容佢哋「高EQ」，態度有禮貌又得體，值得肯定。
亦有網民狠批幾個市民反應過火，認為活動本身係免費性質，如果要等補貨亦屬正常，唔應該因一杯免費雪糕向職員施壓，直言「派係免費，唔係欠咗你」及「影衰香港人」。有細心嘅網民留意到，現場設備並非大型冷凍櫃，只是雪糕櫃，儲存量有限，補貨需時可以理解，認為應體諒前線職員實際操作困難。
Photo / 網上片段截圖
