【A&M Diary】口渴係出街食打邊爐嘅後遺症，但凡事都有例外。今日嚟到唐坊火鍋私房菜，無論湯底定自家製食材，甚至豉油同醬料都唔會太鹹，配合番私房菜嘅主題，還原家的味道。另外，唐坊火鍋私房菜位處大廈嘅高層，除咗飽覽油尖旺一帶嘅景色，仲可以遠眺維港景，識你有在豪宅食私房菜嘅體驗。
唐坊火鍋私房菜：煲冬瓜瑤柱美腿鍋
呢個煲冬瓜瑤柱美腿鍋可以話係唐坊火鍋私房菜嘅招牌之一，湯底配料十足，冬瓜、火腿之外，仲有大量瑤柱，一上枱先飲碗湯啦！湯底非常鮮甜，味道濃郁，飲完又唔會有味精嘅口喝感；就算之後打邊爐再加湯，餐廳都特意用未加調味嘅湯底，所以唔會越食越濃，越食越口喝。
唐坊火鍋私房菜：手切封門柳
封門柳嘅賣點係唔會太肥，肉味香濃，鮮味十足。
唐坊火鍋私房菜：海鮮拼盆
二人份量嘅海鮮拼盆有齊鮑魚、海蝦、台山蠔、脆鯇片、卜卜蜆，全部都夠晒新鮮。特別喜歡大隻飽滿嘅台山蠔，成隻放落口就係幸福；鮑魚非常新鮮又大隻，鮮甜又彈牙；卜卜蜆嘅蜆肉漲卜卜，令湯底更鮮甜。
唐坊火鍋私房菜：三寶丸
手打蝦丸、手打花枝丸、手打牛丸都係唐坊火鍋私房菜嘅自家製作。全部都非常彈牙，其中手打蝦丸同手打花枝丸，丸內更有蝦同花枝粒，增加口感。
