【A&M Diary】大排檔絕對係體驗當地地道嘅味道，而銅鑼灣嘅韓大叔大排檔就正正以呢種風格作為餐廳主題，製作多種地道嘅韓式小菜，其中醬油二人餐醬油蟹、韓式年糕、炸雞、韓式粉絲、泡菜湯等選擇，兩個人都真係食唔晒，非常抵食。
韓大叔大排檔：醬油海鮮拼盤
韓大叔大排檔嘅海鮮拼盤有齊醬油蟹、醬油帶子、醬油三文魚，真係估唔到套餐都嘅份量都可以咁多。至於三款海鮮以醬油、蒜頭、辣椒等香料醃製，非常入味。最正當然係醬油蟹，蟹膏爆多又濃郁，蟹肉夠厚，而且非常鮮甜，夠晒驚喜。
醬油海鮮拼盤
韓大叔大排檔：甜辣炸雞
韓大叔大排檔嘅炸雞口味有好多款，總有一種啱你心水。而我哋就揀咗甜辣炸雞，醬汁嘅份量啱啱好，唔怕食到最尾會冇晒醬，味道甜甜辣辣，非常惹味。
甜辣炸雞
韓大叔大排檔：泡菜牛肉豆腐湯
食韓國菜又點少得泡菜湯呢！韓大叔大排檔嘅湯底以酸辣泡菜為基底，結合嫩滑豆腐同份量十足嘅牛肉片，口味唔會太辣，但非常醒胃。
泡菜牛肉豆腐湯
