【A&M Diary】中國大江南北嘅菜系各有特色，喺南方生活嘅我哋，同北方嘅飲食習慣大不相同，完全走在矛盾線上嘅極端，但幸運地我哋可以靠味蕾，體驗不一樣嘅風土味道。位於銅鑼灣嘅老北京，顧名思義主打北京菜，餐廳仲特意設計成古典中國風，更能營造氣氛。
老北京：椒鹽里脊
雖然用上里脊肉，但肉質絕不硬實。炸過嘅里脊非常香口，加上椒鹽嘅調味，更為惹味。
椒鹽里脊
老北京：白菜豬肉水餃
水餃可揀煮或煎，兩種食法。白菜豬肉水餃粒粒都夠晒飽滿，份量十足，亦具口感。水餃係由餐廳自家製作，所以食嘅時候，會感覺到每一粒嘅質感略有不同，唯一相同嘅地方，就係每一粒咬開都爆多肉汁，非常驚喜。
白菜豬肉水餃
老北京：老北京炒飯
北京嘅代表蔬菜唔少得京蔥，而呢個炒飯只係簡單用上京葱同蛋，完全考大廚嘅功架。炒飯粒粒分明，更能感受綿細嘅口感；味道則鹹香十足，而且極具鑊氣，值得推介。
老北京炒飯
