【Viu】MIRROR最新團歌《DNA is U》出咗喇！為神還原多個繪炙人口嘅經典廣告，12子玩轉多個造型，包括懷舊西裝Look、實驗室職員Look、型爆波衫Look、「Kawaii呢」棒球小子Look等，其中一盒「鏡牌髮彩」更令姜濤激罕化身「露額姜」！
12子輪流分享喺自己DNA中最重要嘅關鍵詞，Lokman指：「我覺得係投入，只要夠投入，就算出嚟效果唔一定係最好，都至少合格！」AK就話：「一定有衝動，我會消化自己嘅一啲衝動，同自己溝通，都有嘗試改善。 」
Alton同Tiger就覺得係貪玩。Jer覺得自己流住唔怕醜嘅血，「因為我要喺今次團歌舞蹈企C位，真係緊張到標冷汗。」Frankie就話善忘，Stanley就覺得只要勤力，就可以成就好多事。Anson Lo就話最緊要係同理心同愛， 「父母成日提醒我唔可以忘記同理心、愛嘅重要性，可以話係由小受屋企人耳濡目染。」Edan搞笑話：「Edan DNA中最重要係E，因為E+DNA就係Edan。」
姜濤表示：「點解我嘅DNA有籃球呢？因為籃球改變我嘅人生，帶畀我好多動力、教識我好多事，同時令我認識人生中最重要嘅一班朋友！」Jeremy就話係打機，Ian覺得休息好重要。仲唔嗱嗱聲入嚟睇12子有幾Charm！
