【Now.com】在便利店增值八達通要提高警惕！有港男在大埔網上群組表示，在OK便利店支付500元增值八達通時，突然有一名阿伯「飛身」走近搶「拍卡」，幸好最後力保不失，提醒其他街坊要小心。
男事主3月18日（星期二）於Facebook群組「大埔TAI PO」發文，稱在某OK便利店支付500元充值八達通，當店員準備按掣時，突然有持拐杖的老伯飛身走近想搶先拍卡，幸好店員「手腳慢」，才沒有讓老伯得逞。
男事主表示，他因趕着返工，沒有時間與老伯糾纏，只能網上出帖文提醒其他街坊小心。
事件惹來網民熱議，批評老伯的行為與搶錢無異，「同搶$冇乜分別」、「佢唔成功都要報警拉佢，同ok裡面搶人錢無分別」、「咁都得 香港人 而家做乜都要小心」、「如果拍到唔比番錢 直接報警咁同搶有咩分別」。
也有不少網民留言指，遇過相同經歷：「我都係富善OK試過，我擋開亞伯隻手，大聲問佢做乜，佢話check餘額喎，跟住走咗，大家小心」、「我試過一次又係比完錢，有人隊張卡埋黎，之後每次比錢都會同步放埋張卡去部機度」、「係大廣樓下間OK試過，佢個八達通機係門邊，又係增值個陣有個阿伯伸張八達通埋黎，好彩職員反應夠快冇㩒制」、「試過去富善邨間ok 增值200蚊，有個阿叔沖埋嚟拍卡，我一個背脊撞埋去成個瞓低， 仲同佢講我特登㗎唔好意思，嗰個阿叔急急腳走」。
