【A&M Diary】秋天係食蟹嘅季節，麵包蟹、花蟹、膏蟹、黃油蟹等都非常肥美，但講到最正嘅當然就係大閘蟹啦！每年農曆八至十月都係食大閘蟹嘅季節，唔知你哋食大閘蟹鍾意食公定乸呢？有啲人話乸多黃啲，但有啲人就話公會鮮甜啲，真係各有市場，但計我話最緊要係好味同食得盡興！我哋搜羅全港18間大閘蟹放題、大閘蟹自助餐、大閘蟹套餐、爆膏大閘蟹等抵食大閘蟹優惠，即刻book枱嘆吓大閘蟹啦！
1. 大閘蟹套餐：香港康得思酒店明閣
價錢：秋令 ⋅ 鮮旬蟹饌套餐 – HK$988起
米芝蓮星級粵菜食府明閣中菜行政總廚李悅發師傅精心設計五道菜的秋令 ⋅ 鮮旬蟹饌套餐，除了每位尊享的清蒸大閘蟹，還有蟹粉金菇脆卷、蟹粉小籠包、蟹粉扒時令有機菜苗等多款上乘食材入饌，絕對係識嘆識食之選！
2. 大閘蟹套餐：港島海逸君綽酒店君綽軒
價錢：大閘蟹套餐 – 兩位HK$1,673起
港島海逸君綽酒店君綽軒喺今年嘅大閘蟹的季節，推出期間限定嘅大閘蟹套餐，套餐包括清蒸五兩江蘇大閘蟹、紅燒蟹粉翅、蟹粉小籠包、蠔皇原隻八頭鮑魚扣海參、脆皮和牛臉及蟹肉燴伊麵等，絕對讓你食指大動，齒頰留香。
3. 大閘蟹套餐：香港九龍東皇冠假日酒店紫粵軒
價錢：金秋大閘蟹宴 – 兩位HK$1,610起
如果唔識拆蟹，咁我就要介紹你去香港九龍東皇冠假日酒店嘅紫粵軒。紫粵軒嘅金秋大閘蟹宴除咗免加一免茶錢，仲包埋免費拆蟹服務，對於唔太識食蟹嘅你絕對係一大賣點！呢個金秋大閘蟹宴除咗每位三隻清蒸或菊花蒸江蘇大閘蟹，仲有脆盞蛋白炒蟹粉伴青瓜海蜇頭、海皇燕窩蟹肉羹、棗皇薑茶、蟹粉蟹肉扒豆苗、石鍋蟹粉帶子炒飯，每樣食物都非常精繳好味。
4. 大閘蟹套餐：九龍酒店龍逸軒
價錢：《以蟹會友》大閘蟹套餐 – HK$750起
龍逸軒中菜行政總廚楊建業師傅以六兩太湖雄蟹入饌，當中包括鮮蟹粉小籠包、清蒸太湖大閘蟹以及蟹粉扒山水豆腐等，迎合秋冬時令之選。
5. 大閘蟹自助餐：香港柏寧酒店PLAYT
價錢：秋賞・邂逅江南大閘蟹自助晚餐 – HK$581起
柏寧酒店 是次大閘蟹主題自助晚餐，每位包括兩隻約重4両的清蒸大閘蟹， 及無限品嘗多種煮法的大閘蟹美宴，包括蟹粉海皇燕窩羹、黃金蟹粉蒸蛋白、蟹粉拌麵、蟹粉肉絲炒上海年糕等，真係非常滿足。
6. 大閘蟹自助餐：荃灣西如心酒店Café Circles
價錢：大閘蟹自助晚餐 – HK$664起
荃灣西如心酒店嘅Café Circles最大賣點就係物超所值！海鮮冷盤選擇有長腳蟹蟹腳、螺、青口、蝦同小龍蝦等，全部都好新鮮，仲帶有淡淡嘅海水味。刺身除咗常見嘅三文魚、吞拿魚，希靈魚、北寄貝之外，仲有我最鍾意嘅甜蝦！另外，酒店星期五至日及公眾假期更增設大閘蟹，絕對食得非常滿足。
7. 大閘蟹自助餐：香港沙田萬怡酒店MoMo Cafe
價錢：大閘蟹自助晚餐 – 兩位HK$766起
