【A&M Diary】有時去到啲串燒店，最憎就係有排等，店員燒咗兩串雞翼俾我，之後就燒兩串豬頸肉俾另一枱，咁我串牛舌呢？所以嚟到自助串燒餐廳就啱晒！想食嘅串燒只要簡單又輕鬆咁放上自轉串燒燒烤爐，夠晒方便！今次嚟到牛頭角嘅串燒屋，任飲任食嘅選擇夠晒豐富，值得推介。
前菜
等緊串燒同網燒嘅時候，仲可以叫啲炸物、沙律及日式前菜。炸物即叫即炸，新鮮熱辣，選擇同樣勁多，有吉列炸生蠔、吉列炸豬扒、唐揚鷄塊、炸蝦餅等，非常香脆可口呢！
串燒
串燒選擇應有盡有，牛、雞、豬、羊、海鮮都有：牛肋條、西冷、厚切牛舌、羊架、叉燒、豬頸肉、雞腿肉、雞翼、雞腎、海蝦、帆立貝、鯖魚、多春魚等，夠晒豐富。
我哋特別推介以下串燒：
西冷：牛味非常香濃，肉汁豐富，用少少鹽吊味，已經非常滋味
蜜汁叉燒豬柳：叉燒非常入味，燒到燶邊就最正
豬頸肉：非常爽口，味道微辣，好有層次
雞翼：雞翼口味都有幾款，最吸引我嘅係麻辣雞翼！辛辣味唔算太強，燒到雞皮香脆，再細味入味嘅肉質
網燒
除咗串燒之外，串燒屋都有唔少網燒食品：蠔、青口、茄子、一口牛、漢堡扒、黑毛豬腩片等。
