【A&M Diary】米線絕對系香港人嘅comfort food，我哋相信每一區至少有一間臥虎藏龍嘅米線小店。今次就嚟到北角開箱成都小巷米線雞煲，酸辣同麻辣都各具特色，湯底夠曬濃郁。另外，成都小巷米線雞煲除咗米線，仲有川式小菜、麻辣雞煲同經濟午餐，深受區內居民及附近返工嘅人士喜愛。
姜蔥手撕雞
手撕雞非常嫩滑，雞肉帶有濃濃嘅姜蔥香味。
青椒皮蛋
呢個小食絕對系必點推介，皮蛋非常綿滑，加上青椒同各種香料調味，非常惹味。
蒜泥白肉
呢個蒜泥白肉同平時連鎖店食開嘅有啲唔同，因為紅油比例較高，辣味非常驚喜。
麻辣腩肉+菜心+腐皮麻辣米線
中辣真系唔簡單，辣得起勁，而回甘嘅麻味香濃，充滿層次。餸菜嘅份量十足，物別鐘意索曬湯嘅腐皮，超入味；腩肉略嫌太肥，但麻辣香味濃郁，勁正呀！
腩肉+豬紅+牛肉片酸辣米線
酸辣米線一直都系我嘅最愛，呢碗酸辣米線嘅配菜有芽菜、花生、韭菜、酸菜同肉碎。湯底嘅酸辣比例啱啱好，米線掛上湯汁，啖啖都辣得非常惹味。配菜有芽菜、花生、芝麻、韭菜、酸菜同肉碎，份量十足，非常飽肚。
