【A&M Diary】喺好耐好耐…好耐好耐以前，即係耐到大概50年前，香港人以獅子山下精神，不斷同心拼搏，發展香港，當時除咗人情味之外，喺黃大仙仲有傳統味。呢間豪園麵家經歷兩代，仍貫徹獅子山精神，除咗麵食，仲有茶記套餐同小炒供應。
咖哩魷魚
個咖哩汁真係無得輸，少少辣，夠晒香濃，而水魷好爽口。A姐教落：記住要將啲汁攞嚟撈飯。
牛筋麵
食潮州粉麵，我哋通常都係揀米粉，因為好怕嗰種蜆水味，但店員推介嚟豪園就一定要試個幼麵。當真，嗰麵底爽滑，軟硬適中，充滿蛋香而唔會有蜆水味。而牛筋份量多，好香濃入味。
魚香茄子煲
小菜選擇唔少，仲有湯同飯送。呢個魚香茄子煲嘅鍋氣十足，鹹魚好香，而茄子索晒味！最鍾意係唔會油淋淋。
豉汁蒸排骨
