0
0
香港迪士尼煙花強勢回歸!率先直擊全新迪士尼星夢光影之旅夜間匯演

香港迪士尼煙花強勢回歸!率先直擊全新迪士尼星夢光影之旅夜間匯演

香港迪士尼煙花強勢回歸!率先直擊全新迪士尼星夢光影之旅夜間匯演

【A&M Diary】等咗4年,香港迪士尼樂園嘅煙花終於返嚟喇!作為「迪粉」嘅我哋,真係勁期待呀!今次全新嘅迪士尼煙花匯演叫做「迪士尼星夢光影之旅」,配合水幕投影、燈光、激光、噴泉、火焰同煙花等效果,將40個迪士尼同彼思嘅經典故事同音樂重現眼前!一齊睇睇「迪士尼星夢光影之旅」嘅攻略啦!

經Klook買迪士尼樂園門票可享門票優惠:詳情

奇妙夢想城堡
迪士尼樂園嘅地標當然係城堡啦!香港迪士尼樂園經過幻想工程師嘅重新打造,變成融合咗13個公主同女王故事嘅奇妙夢想城堡,包括《公主與青蛙》嘅蒂安娜、《睡公主》嘅奧蘿拉、《小魚仙》嘅艾利奧、《花木蘭》嘅木蘭、《阿拉丁》嘅茉莉、《雪姑七友》嘅白雪、《魔海奇緣》嘅慕安娜、《仙履奇緣》嘅仙蒂、《勇敢傳說》嘅梅莉達、《風中奇緣》嘅寶嘉康蒂、《美女與野獸》嘅貝兒、《魔髮奇緣》嘅樂佩同《魔雪奇緣》嘅愛莎。至於今次迪士尼星夢光影之旅就係喺奇妙夢想城堡進行。

迪士尼煙花:「迪士尼星夢光影之旅」最佳觀賞位置
迪士尼樂園有唔同嘅設施,但大家記住攞定樂園時間表,預留時間喺最佳位置欣賞「迪士尼星夢光影之旅」呀!因為今次嘅「迪士尼星夢光影之旅」會有水幕投影同噴泉嘅效果,所以奇妙夢想城堡前嘅空地就最適合喇!但如果你有長鏡頭,又想拍攝整座奇妙夢想城堡嘅話,就可以去到美國小鎮大街火車站嘅樓梯啦!

迪士尼煙花:「迪士尼星夢光影之旅」故事章節
全新「迪士尼星夢光影之旅」分為7個章節,20分鐘嘅故事透過水幕投影、音樂、燈光、激光、噴泉、火焰同煙花等效果,將40個迪士尼同彼思嘅經典故事,以及150位迪士尼朋友故事情節,帶領大家由誕生一刻,經歷生命中嘅成長故事。

1. 誕生之時:以《泰山》嘅卡娜同小泰山、《小飛象》嘅大寶、《玩轉腦朋友》嘅韋莉等迪士尼朋友,帶出人生最天真、最純潔嘅小時候。

2. 無憂之時:以《小飛俠》嘅小珠、《魔雪奇緣》嘅安娜同愛莎、《獅子王》嘅小辛巴等迪士尼朋友,帶出嬉戲、跳舞和狂歡嘅無憂童年時刻。

3. 蛻變之時:以《魔海奇緣》嘅慕安娜、《優獸大都會》嘅朱迪、《大力士》嘅海格力斯等迪士尼朋友,帶出成為年青人嘅蛻變,敢於嘗試嘅時刻。

4. 永恆之時:以《阿拉丁》嘅茉莉公主同阿拉丁、《小魚仙》嘅艾力同艾莉奧、《魔髮奇緣》嘅樂佩等迪士尼朋友,帶出醉人浪漫、甜蜜珍貴嘅愛情故事。

5. 考驗之時:以《公主與青蛙》嘅霍博士、《獅子王》嘅刀疤、《雪姑七友》嘅邪惡皇后同白雪公主等迪士尼朋友,帶出人生總會遇上挑戰和障礙,但大家唔可以放棄夢想,要有決心同堅持嘅勇氣。

6. 懷緬之時:以《玩轉極樂園》嘅米哥同阿德、《沖天救兵》嘅小飛同卡叔等迪士尼朋友,帶出人生遇上起伏嘅時候,總會有啲人喺你身邊陪伴同勉勵你,回想幫過你哋嘅人,並對佢哋表達謝意。

7. 活在當下、時刻銘記:其實每個迪士尼朋友都經歷充滿冒險、愛情及友誼嘅迪士尼故事,呢啲故事絕對係生命中不可或缺,陪伴我哋成長嘅重要時刻。

迪士尼煙花:「迪士尼星夢光影之旅」夜光主題商品
為咗配合「迪士尼星夢光影之旅」匯演,喺迪士尼樂園嘅商店亦推出一系列嘅夜光主題商品,例如發光頭箍、飾物以及有反光效果嘅T恤,帶住夜光主題嘅商品欣賞迪士尼煙花匯演,就更加投入啦!

迪士尼煙花:「迪士尼星夢光影之旅」主題美食
另外,喺迪士尼樂園嘅餐廳亦推出多款主題美食,其中火箭餐廳就推出全新甜品自助餐,每一款嘅甜品都非常趣緻,啱晒鍾意食甜品又鍾意打卡嘅你!

  1. 更多
  1. 政府再向約2.9萬名覆檢成功市民 發放第一期消費券
    政府再向約2.9萬名覆檢成功市民 發放第一期消費券
    1小時前
  2. 721案白衣人被控暴動及傷人續審
    721案白衣人被控暴動及傷人續審
    1分鐘前
  3. 國泰兩空少涉檢疫違規外出 被告稱國泰文件准探朋友
    國泰兩空少涉檢疫違規外出 被告稱國泰文件准探朋友
    7分鐘前
  4. 醫管局:染疫入院兒童人數較上月增近一倍
    醫管局:染疫入院兒童人數較上月增近一倍
    10分鐘前
  5. 運輸署擬修例車主兩年無續牌或取消登記屬違法
    運輸署擬修例車主兩年無續牌或取消登記屬違法
    14分鐘前
  6. 【8月16日疫情速報】(12:00)
    【8月16日疫情速報】(12:00)
    29分鐘前
  7. 中共中央台辦宣布制裁一批「台獨」頑固分子
    中共中央台辦宣布制裁一批「台獨」頑固分子
    1小時前
  8. 油麻地母嬰健康院鐵閘塌下壓斃女保安
    油麻地母嬰健康院鐵閘塌下壓斃女保安
    1小時前
  9. 內地增2368宗本土個案 約一半來自海南
    內地增2368宗本土個案 約一半來自海南
    1小時前
  10. 運輸署擬修例規管兩年未有領牌或續牌登記車輛
    運輸署擬修例規管兩年未有領牌或續牌登記車輛
    2小時前