【A&M Diary】大家呢排有冇見到你啲朋友喺Facebook或者IG share咗一堆黃綠灰嘅格仔？原來係近期大熱嘅免費網上英文單字遊戲Wordle！我哋為大家整理咗，等大家一文睇清到底Wordle是甚麼？Wordle點玩？Wordle玩法有咩特別？Wordle有咩規則？Wordle有咩攻略同策略？
Wordle簡介
Wordle由英國工程師Josh Wardle設計，最初遊戲嘅本意只係為咗喺疫情期間畀親友玩，打發時間。點知一傳十，十傳八，依家全球已有超過200萬名用戶玩Wordle，仲引嚟不少媒體報導！
Wordle點解成功吸引玩家？
全球Wordle玩家都喺度估同一個單字，大家嘅謎底都是一樣，形成朋友間嘅競賽，鬥快估啱。
邊度玩Wordle?
大家唔使登入、download下載任何手機app，只需要去Wordle網址，就可以玩，電腦或手機都可以！遊戲會每日自動更新！
網址：www.powerlanguage.co.uk/wordle
Wordle遊戲規則
1. Wordle遊戲嘅目的係要喺6次機會內估中每日嘅英文單字，無時間限制，只需要喺當日完成就可以，因為第二日會有全新答案。
2. 入咗畫面遊戲之後，你就會見到6×5嘅空格同輸入鍵盤。你總共有6次機會輸入由五個英文字母組成嘅單字。
3. 輸入字母後，方格就會出現唔同顏色，而唔同顏色構成唔同嘅提示。
灰色：估錯字母
黃色：估啱字母，但位置放錯
綠色：字母同位置正確
4. 你就係透過呢啲唔同顏色嘅方格提示，找出答案。
5. 成功搵到答案之後，大後可以分享你嘅Wordle結果，複製自己嘅黃綠灰格子過程，畀朋友知道你用咗幾多步就成功，又唔會洩漏答案！
6. 每日估完之後，第二日就有第二個挑戰！
Wordle遊戲技巧
1. 英文單字一定由響音/母音 (Vowel) a e i o u 組成，先可以發到音，所以建議大家喺第一同第二行試曬呢5個響音，就會知道答案由邊幾個vowel組成，比較容易組合單字。
2. 大家可以考慮某些英文單字嘅常用組合，例如：Sh、Ch、Sq、Qu、Th、Wh、Ed等。
3. 利用刪除法，將餘下嘅字母中拼成合理的單字。
