【裝修佬】Andy：Hello Jeremy，多謝你嘅邀請呀！見你新屋都裝修得7788啦喎，恭喜晒！幾時入伙呀？
Jeremy：多謝呀Andy！都差唔多入伙啦，不過係爭幾部冷氣機。我第一次買樓，對於冷氣機無咩概念，所以想請你畀啲意見。
Andy：無問題呀！首先要問下你對冷氣機有無咩要求？或者想要啲咩功能？
Jeremy：我係同老婆同仔仔一齊住嘅，我想要靜啲嘅機，方便仔仔學習。之前佢喺屋企上網課個陣，都有同我反映過舊屋部冷氣機好嘈，有時都會好騷擾㗎。
Andy：明白呀！呢一兩年大家都多咗留喺屋企工作同讀書，屋企環境真係好重要！咁不如考慮下分體式冷氣機呀！由於佢嘅壓縮器會分拆出嚟裝喺室外，相對寧靜好多！同埋我見單位都有花心思裝修喎，分體式冷氣機亦較容易融合空間設計，美觀上就唔需要擔心啦！
Jeremy：其實我最煩惱係唔知幫仔仔間房揀咩冷氣好，因為房間唔大，怕開咗冷氣機會好凍，又怕出風位直接吹住仔仔個頭，好易病。
Andy：其實市面上都有一啲專為呎數細嘅房間打造嘅冷氣機，好似呢部冷氣機咁呀，佢係專為約70平方呎嘅房間而設，唔單止送風性能方面比較均勻更加唔怕吹住仔仔個頭，而且只有0.75匹，比一匹冷氣更節能同環保！Jeremy：但係呢間房真係一眼望晒咁大……安裝上會唔會有困難呢？
Andy：我會建議裝喺呢個位置，細細部好容易配合到裝修，唔使咗就右就呀嘛！另外，佢嘅室外機機身高度只有418 CM，係現時全港最細，成部機嘅體積仲比舊型號小24%，咁細緻纖巧，唔洗額外畀錢搭棚都可以安裝到啦！
Jeremy：聽落都唔錯喎，不過我成日聽人講分體式冷氣嘅電費比較貴，唔知係咪真㗎呢？
Andy：其實分體機入面都有分唔同類型嘅機，好似呢部係變頻式冷氣，能夠自動調節壓縮機轉速，特別慳電慳錢！佢仲有一級能源標籤，啱晒精打細算嘅家庭啦！
Jeremy：Andy呀，細房嘅問題就解決咗啦，但係大廳同大房點搞好呢？
Andy：咦，其實你大廳同大房嘅位置，好適合安裝多聯機喎！一台室外機就可以連接2台室內機，即係俗稱一拖二，最適合啲少窗台位嘅單位。好似呢款多聯機系统咁，一台室外機最多仲可以連接3台室內機添！
Jeremy：咁一台室外機又煩少啲野喎！不過會唔會用得多啲電呢？
Andy：啱啱相反，呢款多聯機系統係用最新世代R32環保雪種，比傳統定頻分體機同窗口機慳咗接近30%電！
Jeremy：又方便又慳電，都幾好喎！不過兩部室內機係咪要一模一樣，連匹數都相同？
Andy：咁又唔使，你可以喺客廳呢個位置裝一部2匹嘅，除咗因為客廳空間大啲之外，有時候親戚朋友嚟到，就算咁多人喺同一個空間，部冷氣機都夠涼呀嘛！而睡房通常係瞓覺嘅時候先需要開冷氣，揀部一匹嘅就足夠啦！
