0
0
【本地遊】炮台山東岸公園三大主題區 打卡必玩景點逐個睇

【本地遊】炮台山東岸公園三大主題區 打卡必玩景點逐個睇

【本地遊】炮台山東岸公園三大主題區 打卡必玩景點逐個睇

【A&M Diary】位於炮台山嘅東岸公園係近期大熱嘅景點,除咗可以欣賞到維港兩岸景色,東岸公園亦設有 Victoria Harbour 燈箱藝術裝置同位於防波堤獨特嘅排風口建築物,絕對係打卡嘅熱點。另外,東岸公園亦設有草披、兒童平衡車試驗空間,加上係寵物友善場地,所以無論想同三五知己野餐、同小朋友嚟玩平衡車定同寵物散散步都非常適合呀!

東岸公園前往方法
港鐵:由炮台山港鐵站步行大約7分鐘
自駕遊:鄰近停車場可以選擇海峰園停車場 / 維多利中心停車場

東岸公園
東岸公園係維港海濱嘅其中一段,首階段對外開放嘅正確名稱其實係東岸公園主題區(第一期)。全長約360米,佔地約9,800平方米,24小時對外開放。

東岸公園三大主題區必玩打卡景點1:兒童平衡車試驗空間
港島可以俾小朋友玩平衡車嘅地方唔多,所以想玩平衡車嘅就可以嚟到東岸公園。喺呢個兒童平衡車試驗空間放有軟墊,小朋友跌親都唔怕啦!加上仲有一大片空地俾小朋友放電,小朋友實玩得好開心啦!

東岸公園三大主題區必玩打卡景點2:Victoria Harbour藝術裝置燈箱
大家以前去荷蘭嘅阿姆斯特丹就一定會影iamsterdam,嚟到東岸公園就可以影「VICTORIA HARBOUR」,呢個「VICTORIA HARBOUR」呈粉紅、藍同綠色,夜晚仲會亮燈,好靚架!

東岸公園三大主題區必玩打卡景點3:防坡堤、中環及灣仔繞道東排風口
除咗「VICTORIA HARBOUR」,喺東岸公園嘅排風口因為外型獨特,亦成為另一個熱門嘅打卡裝置。但要行去排風口,首先就要經過100米長嘅防波堤,不過防波堤無圍欄,要特別留意同行嘅小朋友呀!行到盡頭呢個外型獨特嘅排風口,其實係中環及灣仔繞道嘅東面排風口,喺呢個位置可以睇到維多利亞港港內嘅景色,如果放煙花,應該係一個唔錯嘅觀賞地點。

  1. 更多
  1. 簡約公屋四幅地位於元朗、屯門、蓮塘尾 料耗資268億元
    簡約公屋四幅地位於元朗、屯門、蓮塘尾 料耗資268億元
    5小時前
  2. 神舟十五號載人飛船發射升空 進入預定軌道
    神舟十五號載人飛船發射升空 進入預定軌道
    1小時前
  3. 神舟十五號載人飛船發射升空 進入預定軌道
    神舟十五號載人飛船發射升空 進入預定軌道
    2小時前
  4. 【11月29日疫情速報】(23:10)
    【11月29日疫情速報】(23:10)
    2小時前
  5. 中國駐英大使就BBC記者被捕一事 敦促英方尊重事實、停止玩弄雙重標準
    中國駐英大使就BBC記者被捕一事 敦促英方尊重事實、停止玩弄雙重標準
    3小時前
  6. 滙豐逾百億美元出售加拿大業務予加拿大皇家銀行
    滙豐逾百億美元出售加拿大業務予加拿大皇家銀行
    4小時前
  7. 神舟十五號即將升空 三名太空人出席出征儀式
    神舟十五號即將升空 三名太空人出席出征儀式
    5小時前
  8. 解放軍指美軍巡洋艦闖入南沙島礁鄰近海域
    解放軍指美軍巡洋艦闖入南沙島礁鄰近海域
    5小時前
  9. 【附連結】46個地方納入強制檢測公告 (11月29日)
    【附連結】46個地方納入強制檢測公告 (11月29日)
    6小時前
  10. 議員就兩電加電費提急切質詢被拒
    議員就兩電加電費提急切質詢被拒
    6小時前