0
0
【2021聖誕節期間限定】香港迪士尼樂園 五大打卡必玩全攻略

【2021聖誕節期間限定】香港迪士尼樂園 五大打卡必玩全攻略

【2021聖誕節期間限定】香港迪士尼樂園 五大打卡必玩全攻略

【A&M Diary】香港每年都會喺局部地區落吓雪,等我哋可以過一個浪漫嘅白色聖誕節!你又估唔估到呢個地方係邊度呢?就係香港迪士尼樂園喇!香港迪士尼樂園由即日起至2022年1月2日推出「A Disney Christmas」,一班迪士尼朋友換上聖誕裝扮,加上巨型聖誕樹、聖誕裝飾、聖誕商品同美食,仲有聖誕舞會等一連串聖誕慶祝活動,真係夠晒氣氛呀!我哋就率先嚟到香港迪士尼樂園感受聖誕氣氛,並為大家提供以下5大必玩打卡攻略呀!

提前預約
提提大家,所有賓客 (包括樂園門票持有人、「奇妙處處通」會員同免費門票持有人) 都要喺到訪樂園前,先喺香港迪士尼入園預約網站預約到訪日期。「奇妙處處通」白金卡會員可於到訪前16日內預約,金卡及銀卡會員就可於到訪前15日內預約,而其他賓客就可以喺到訪前14日內預約。喺預約過程中,賓客要作出健康聲明。如果有出現發燒或呼吸道感染病徵,於過去 14 日到訪香港以外嘅地方或者密切接觸過新型冠狀病毒病感染確診者,正接受強制檢疫嘅人都唔可以進入樂園。如果預約成功,你將會收到短訊或者電郵確認,去到樂園記住要出示返已經登記嘅門票或者會員卡,就可以入場啦!

米奇與好友聖誕舞會
聖誕節入嚟香港迪士尼樂園就梗係要悉心打扮啦,因為要參加米奇與好友聖誕舞會呀!呢個米奇與好友聖誕舞會喺城堡前舉行,由米奇老鼠同一班好朋友以聖誕音樂同舞蹈表演,令大家投入高漲嘅氣氛!表演過程中,仲有機會遇上飄雪架!

迪士尼朋友現身與你歡慶聖誕
嚟到聖誕節,一班迪士尼朋友已經換上聖誕服飾,喺香港迪士尼樂園嘅唔同地方同大家見面!而今次最令人期待嘅就係有《玩轉極樂園》嘅米哥首次參加香港迪士尼樂園嘅聖誕慶祝活動,記住要把握時間同米哥影相呀!

Duffy 與好友冬雪歡樂巡禮
如果你係Duffy或者係Duffy一班好朋友嘅粉絲,除咗可以喺美國小鎮大街同佢哋影相之外,佢哋仲會換上特色嘅冬日服裝參與「Duffy 與好友冬雪歡樂巡禮」,入場之後記住mark實時間唔好錯過。

奇妙飄雪聖誕高飛舞台表演
入夜之後,聖誕節嘅香港迪士尼樂園就更加浪漫!由聖誕高飛喺城堡前施展奇妙魔法,讓大家感受漫天雪花嘅白色聖誕!另外,米奇與好友亦會喺呢個舞台上載歌載舞表演,大家一定要預備好相機呀!

夢想成真聖誕樹亮燈
除咗舞台表演,喺美國小鎮大街火車站前嘅聖誕樹,都會有亮燈儀式,象徵住快樂、夢想同聖誕嘅祝福,絕對係大家必影嘅打卡點!亮燈儀式期間仲會有煙花效果,真係好靚呀!

聖誕大餐
聖誕節又點少得聖誕大餐呢?喺聖誕節期間,香港迪士尼樂園喺唔同嘅餐廳推出聖誕特色食品,例如:聖誕迷你朱古力玉桂條、聖誕米奇玉桂冬甩、聖誕米奇熱朱古力等等。而最吸睛嘅就係戶外小食亭嘅金色聖誕樹爆谷桶同反斗奇兵爆谷桶,絕對係一個靚靚嘅紀念品呀!另外,由2021年12月22日起,大冒險家餐廳仲推出「冒險家半自助餐」,由頭盤、沙律、主菜到甜品,讓大家感受一餐豐富嘅聖誕大餐!

  1. 更多
  1. 葵涌邨疫情擴大 映葵樓圍封五日其餘大廈納強制檢測
    葵涌邨疫情擴大 映葵樓圍封五日其餘大廈納強制檢測
    2小時前
  2. 政府:所有居葵涌邨政府僱員 暫時不用返回工作地點
    政府:所有居葵涌邨政府僱員 暫時不用返回工作地點
    15分鐘前
  3. 林鄭月娥:難以年初四大幅度放寬社交距離措施
    林鄭月娥:難以年初四大幅度放寬社交距離措施
    1小時前
  4. 台灣急增82宗本地確診 傳播鏈遍及南北
    台灣急增82宗本地確診 傳播鏈遍及南北
    2小時前
  5. 國家衞健委:防止春運期間防控措施一刀切
    國家衞健委:防止春運期間防控措施一刀切
    2小時前
  6. 新增三宗源頭不明個案 當局調查大窩口邨個案與逸葵樓患者有否關聯
    新增三宗源頭不明個案 當局調查大窩口邨個案與逸葵樓患者有否關聯
    2小時前
  7. 本港增26宗確診個案 逸葵樓確診及初確增至近百宗
    本港增26宗確診個案 逸葵樓確診及初確增至近百宗
    2小時前
  8. 【1月22日疫情速報】(19:30)
    【1月22日疫情速報】(19:30)
    2小時前
  9. 本港新增26宗新冠病毒確診 25宗屬本地感染
    本港新增26宗新冠病毒確診 25宗屬本地感染
    4小時前
  10. 消息:葵涌邨逸葵樓及映葵樓增至少70宗初步確診
    消息:葵涌邨逸葵樓及映葵樓增至少70宗初步確診
    5小時前