0
0
【萬聖節】惡人反轉香港迪士尼 六大打卡必玩全攻略

【萬聖節】惡人反轉香港迪士尼 六大打卡必玩全攻略

【萬聖節】惡人反轉香港迪士尼 六大打卡必玩全攻略

【A&M Diary】嚟到10月,又係一年一度嘅萬聖節喇!想感受萬聖節嘅節日氣氛,最好就梗係化個靚妝去主題樂園玩餐飽啦!今年嘅香港迪士尼樂園再次加入詭魅力量,由一班迪士尼惡人同著上萬聖節裝扮嘅迪士尼朋友,齊齊「萬聖重來,反轉迪士尼」!萬聖節仲有期間限定嘅表演、巡遊、禮品同美食,一齊睇睇迪士尼樂園嘅萬聖節六大必玩打卡攻略啦!

提前預約
提提大家,所有賓客 (包括樂園門票持有人、「奇妙處處通」會員同免費門票持有人) 都要喺到訪樂園前,先喺香港迪士尼入園預約網站預約到訪日期。「奇妙處處通」白金卡會員可於到訪前16日內預約,金卡及銀卡會員就可於到訪前15日內預約,而其他賓客就可以喺到訪前14日內預約。喺預約過程中,賓客要作出健康聲明。如果有出現發燒或呼吸道感染病徵,於過去 14 日到訪香港以外嘅地方或者密切接觸過新型冠狀病毒病感染確診者,正接受強制檢疫嘅人都唔可以進入樂園。如果預約成功,你將會收到短訊或者電郵確認,去到樂園記住要出示返已經登記嘅門票或者會員卡,就可以入場啦!

惡人舞動迪士尼
地點:探險世界原野劇場
必睇!!!呢個係全球首創嘅大型歌舞匯演,分別由5位惡人帶領:《小魚仙》 嘅烏蘇拉、《101斑點狗》嘅庫伊拉、《公主與青蛙》嘅霍博士、《美女與野獸》嘅加斯頓以及《魔髮奇緣》嘅嘉芙夫人。

佢哋會喺現場演繹多首重新編曲嘅動畫歌曲,更將動畫內嘅暗黑劇情重現,配合埋舞台設計、燈光、服飾,結尾仲會聽到迪士尼萬聖節嘅主題曲,真係好有feel,呢個show真係好好睇呀!

米奇Halloween玩轉大街派對
嚟到萬聖節,迪士尼樂園嘅巡遊節目就化身成萬聖節派對,由萬聖節造型嘅米奇和米妮帶同一班迪士尼朋友喺美國小鎮大街出發,配合唔同嘅歌曲,載歌載舞。唔好以為今次巡遊就只係簡簡單單換上萬聖節衫呀,因為今次嘅巡遊仲加入咗首次登場嘅小娜娜同小公主蘇菲亞,絕對係今次巡遊嘅影相嘅目標呀!

Halloween詭趣花園
地點:幻想世界夢想花園
迪士尼朋友深受大家喜愛,想同佢哋影相打卡嘅,就一定要嚟到幻想世界內嘅Halloween詭趣花園喇!喺日間,大家可以同換上全新萬聖節服飾嘅米奇老鼠、米妮老鼠、唐老鴨、黛絲、高飛、布魯托、鋼牙奇奇、大鼻帝帝、小熊維尼同佢嘅一班好朋友影相打卡。但一到夜晚,呢度就成為迪士尼惡人佔據嘅地方,大家可以同《白雪公主》嘅邪惡皇后、《小飛俠》嘅虎克船長、《大力士》嘅凱帝斯等惡人影相,鍾意影相打卡嘅就唔可以錯過!
*鍾意Duffy同佢嘅好朋友就要去到美國小鎮大街嘅小鎮會客室同佢哋影相喇!

Halloween詭趣花園內亦有多個手工藝攤位,可以加啲創意,創造獨一無二嘅小手工,其至即場戰「迪士尼Trick-or-Treat趣玩站」。

派對惡人谷
地點:探險世界
嚟到夜晚嘅探險世界亦會變成派對惡人谷,除咗有《睡公主》嘅黑巫婆同《101斑點狗》嘅庫伊拉之外,仲有首度登場《洛基》嘅SuperHero洛基,呢班迪士尼朋友全部都係萬聖節嘅期間限定,記住要預時間同佢哋影相打卡呀!

除咗影相打卡,探險世界內嘅派對惡人谷亦會有街頭表演,氣氛唔錯,一齊加入惡人陣營,齊齊跳無,enjoy個party啦!

萬聖節限定精品
嚟到迪士尼樂園,A姐又點會錯過呢度嘅商品呢!今年有超過100款魔鬼在細節嘅商品等你慢慢揀,一於搜購啲返去佈置屋企啦。

萬聖節美食
喺迪士尼唔同園區嘅餐廳都有全新嘅萬聖節美食,例如小鎮雪糕店嘅「黑巫婆軟雪糕」、碧林餐廳嘅「萬聖節小食拼盤」同「巫蠱泡泡」、大街餐廳嘅「粉紅火龍果檸檬梳打」、戶外小食亭嘅「邪惡之味–特選爆谷」等等。

  1. 更多
  1. 新增237宗確診 蘭桂坊酒店確診者到訪麥當勞有一家三口染疫
    新增237宗確診 蘭桂坊酒店確診者到訪麥當勞有一家三口染疫
    6小時前
  2. 泰國曼谷市長選舉 前交通部長查猜得票率大幅領先
    泰國曼谷市長選舉 前交通部長查猜得票率大幅領先
    2小時前
  3. YouTube移除大量烏克蘭戰事相關頻道及影片
    YouTube移除大量烏克蘭戰事相關頻道及影片
    2小時前
  4. 世界衛生大會料商議新冠疫情及俄烏戰事
    世界衛生大會料商議新冠疫情及俄烏戰事
    2小時前
  5. 【5月22日疫情速報】(22:30)
    【5月22日疫情速報】(22:30)
    3小時前
  6. 波蘭總統到烏克蘭國會演說 重申支持烏克蘭加入歐盟
    波蘭總統到烏克蘭國會演說 重申支持烏克蘭加入歐盟
    3小時前
  7. 【附連結】48個地方納入強制檢測公告 (5月22日)
    【附連結】48個地方納入強制檢測公告 (5月22日)
    3小時前
  8. 世界衛生大會揭幕
    世界衛生大會揭幕
    4小時前
  9. 北京增94宗新冠病例本輪疫情最多
    北京增94宗新冠病例本輪疫情最多
    4小時前
  10. 港大同學會書院三名同班同學確診 周一全校照常上實體課
    港大同學會書院三名同班同學確診 周一全校照常上實體課
    4小時前