0
0
〈好食〉超高享受熟成燒肉 灣仔高質韓燒貊炙

〈好食〉超高享受熟成燒肉 灣仔高質韓燒貊炙

〈好食〉超高享受熟成燒肉 灣仔高質韓燒貊炙

【A&M Diary】當韓式燒烤遇上熟成牛肉,會有咩效果呢?就係好好味呀!今日M佬帶我去食好嘢,嚟到位於灣仔嘅貊炙,貊炙主打香港少見嘅韓式熟成牛肉燒烤,加上自設熟成櫃,性價比非常高!餐廳另外設有3間獨立嘅VIP房,如果有慶祝活動或傾吓生意,都非常適合架!

熟成牛肉
貊炙嘅門口就有一大個熟成牛肉櫃,裡面放滿熟成牛肉,望見已經覺得非常吸引!其實熟成牛肉要先經過28-45日風乾,將入面嘅水份蒸發,咁食到嘅牛肉就更加濃香juicy,而且味道都會係獨一無二!我哋今日就叫咗House Dry Age Steak嘅二人餐。

前菜上半場
一坐低之後,店員就會奉上韓式前菜,所謂上半場係因為之後真係會有下半場架!韓式前菜上半場有醃蘿蔔、大豆芽同魚仔,夠晒開胃!

熟成麻油拌生牛肉
食食吓前菜,餐廳就奉上熟成麻油拌生牛肉。大家要留意,貊炙嘅上菜係有次序嘅,食完一樣再上一樣,令味覺慢慢踏上旅程。呢碟生牛肉嘅麻油味好香,牛肉滑身,肉味香濃,肉質軟腍,好好味!

泡菜海鮮醃漬卷
呢個泡菜海鮮醃漬卷超級好味呀!一大個泡菜睇落平平無奇,當店員剪開之後,泡菜就會散開,入面包住五花腩肉、帶子同蝦仁等等,食嘅時候好有層次,但更大賣點係泡菜嘅酸辣度啱啱好,好惹味!

韓式燒鰻魚
呢款韓式燒鰻魚係二人餐以外嘅食物,店員會好細心幫我哋燒,燒到焦香之後,再茶上醬汁。燒完之後,鰻魚非常入味,而且完全無骨,味道除咗帶有焦香味,醬汁濃郁,仲帶有少少甜味。

生菜包及包飯醬
燒烤開始前,店員會送上生菜包,裡面有生菜、紫蘇葉、青瓜條、甘筍條、車厘茄同青椒等等,非常新鮮。

牛肉拼盤
二人餐嘅牛肉拼盤有四款肉類,店員非常細心介紹,仲提議我哋食物嘅先後次序。如果你想食到最好嘅燒肉時間控制,可以煩請店員幫幫手。
和牛橫膈膜肉:第一款食嘅肉就係和牛橫膈膜肉,勁多肉汁,呢個部位嘅肉質細嫩但又有嚼勁
和牛牛舌:牛舌有厚切同薄切兩款,我就鍾意厚切多啲,燒完之後,非常爽口
熟成肉眼:重點當然係熟成肉眼,口感軟腍,牛扒網紋煎得幾靚,油香十足,非常juicy,仲帶有焦香味道
熟成醬油牛肋肉:醬汁味道偏甜,牛肉勁入味,屬於重口味嘅選擇

前菜下半場
食完肉之後,店員就會上前菜嘅下半場,有水泡菜、生魷魚、大白菜泡菜,可以食啲泡菜清新一吓,再迎接最尾嘅飯類選擇。

  1. 更多
  1. 入境檢疫放寬至「0+3」 有來港公幹旅客對新措施感興奮
    入境檢疫放寬至「0+3」 有來港公幹旅客對新措施感興奮
    18小時前
  2. 保良局嬰兒組一職員涉推跌至少六名幼兒 港島總區重案組跟進
    保良局嬰兒組一職員涉推跌至少六名幼兒 港島總區重案組跟進
    6小時前
  3. 俄羅斯中西部校園槍擊至少15死多傷 槍手吞槍亡
    俄羅斯中西部校園槍擊至少15死多傷 槍手吞槍亡
    7小時前
  4. 【9月26日疫情速報】(22:40)
    【9月26日疫情速報】(22:40)
    7小時前
  5. 伊朗駐倫敦大使館外示威演變成騷亂 12人被捕
    伊朗駐倫敦大使館外示威演變成騷亂 12人被捕
    7小時前
  6. 保良局嬰兒組一職員涉推跌至少六名幼兒 已報警處理
    保良局嬰兒組一職員涉推跌至少六名幼兒 已報警處理
    8小時前
  7. 加拿大本周六起取消入境人士防疫限制
    加拿大本周六起取消入境人士防疫限制
    8小時前
  8. 俄羅斯兩軍人招募中心分別遭槍擊及縱火
    俄羅斯兩軍人招募中心分別遭槍擊及縱火
    8小時前
  9. 俄羅斯西部發生校園槍擊13死多傷 槍手吞槍亡
    俄羅斯西部發生校園槍擊13死多傷 槍手吞槍亡
    8小時前
  10. 擺脫跨代貧窮計劃周三截止 孫玉菡:招募進度理想
    擺脫跨代貧窮計劃周三截止 孫玉菡:招募進度理想
    9小時前