0
0
〈好Life〉「樓下開冷氣,樓上地板出水」點算好?(上)

〈好Life〉「樓下開冷氣,樓上地板出水」點算好?(上)

〈好Life〉「樓下開冷氣,樓上地板出水」點算好?(上)

【裝修佬】每年天氣開始熱,要開冷氣,就會出現「樓下開冷氣,樓上地板出水」呢個問題。網上搜尋解決方法,通常只係見到一些類似「將冷氣扇頁推向下」呢D方法。但其實要解決問題,要先知道問題成因,對症下藥。因為成因同解決方法,都唔止一個。

首先大家要清楚,所謂地板出水這個情況絕對唔關漏水、滲水事。因為這種水,叫冷凝水,是樓上空間空氣的水,不是樓下滲上去的水。佢既成因有三:

第一:樓板太薄。
樓板太薄,冷氣低溫容易傳導上去上層地板,形成冷凝水。
如果係樓宇既問題,大家要共同諗辦法解決。樓上唔好怪樓下開冷氣,人地係有權開冷氣架;樓下唔好覺得樓上麻鬼煩,因為大家都係受害者。
咁點知係咪樓宇問題?問下其他單位係咪都係咁就知啦。

第二:溫差太大。
熱風遇上冷表面,就會凝水。
你行出冷氣商場,眼鏡片會凝水;室內常溫空氣遇到你杯凍檸茶,也會凝水。
所以,地板濕是因為樓下冷氣令你地板變冷,而你既室內空氣相對較熱。
係邊個責任?如果樓下係冷藏庫咁,就係樓下責任。如果樓上好似桑拿房咁,就係樓上責任。

第三:濕度太高。
「荷」一口氣落玻璃杯,但溫差好細,一樣會凝水,點解?
因為濕度高。所以,樓上唔好淨係識得怪樓下扇葉唔向下之類。你都要度下自己單位的濕度。開抽濕或者放一個吸濕產品起冷凝水出現位置,都會有助解決問題。

所以,冷凝水既成因有三個,解決方法亦都要對症下藥,唔能夠一招走天下。
下星期再分享點樣完美解決呢個問題!
大家有什麼問題,都可以聯絡「裝修防伏大全」專頁。

  1. 更多
  1. 大角咀男嬰身有傷昏迷送院亡 警列作謀殺案處理
    大角咀男嬰身有傷昏迷送院亡 警列作謀殺案處理
    1小時前
  2. U21棍網球世錦賽 港隊10:4烏干達
    U21棍網球世錦賽 港隊10:4烏干達
    46分鐘前
  3. 《撒旦詩篇》作者拉什迪紐約遇襲受傷 其中一隻眼或失明
    《撒旦詩篇》作者拉什迪紐約遇襲受傷 其中一隻眼或失明
    51分鐘前
  4. 卓永興:食肆須設垃圾桶收集廚餘 檢討1500元定額罰款
    卓永興:食肆須設垃圾桶收集廚餘 檢討1500元定額罰款
    55分鐘前
  5. 內地增2005宗新冠本土個案 海南省續為重災區
    內地增2005宗新冠本土個案 海南省續為重災區
    1小時前
  6. 法庭文件顯示聯邦調查局人員在特朗普別墅找到多份被列為最高機密文件
    法庭文件顯示聯邦調查局人員在特朗普別墅找到多份被列為最高機密文件
    1小時前
  7. 【8月13日疫情速報】(09:30)
    【8月13日疫情速報】(09:30)
    2小時前
  8. 《撒旦詩篇》作者拉什迪紐約遇襲受傷
    《撒旦詩篇》作者拉什迪紐約遇襲受傷
    2小時前
  9. 政府周日起打擊衞生黑點 卓永興:目標三個月內改善鼠患
    政府周日起打擊衞生黑點 卓永興:目標三個月內改善鼠患
    2小時前
  10. 梁兆基:放寬檢疫期難吸引展覽業
    梁兆基:放寬檢疫期難吸引展覽業
    2小時前