【Now.com生活】仲有幾日就到閃爆單身狗嘅情人節！無論你係單身定有拖拍，都可以趁機向對象表白啦！仲想講I Love You／You’re the apple of my life/ 我愛你/只想和你在一起？唔得！畀多少少心思啦！以下就教大家幾句冧豬用句啦！
英文篇//
霸氣之選 - Three words, eight letters. Say it and I’m yours.
明明情投意合，但對方未表白又想引對方開口先？不妨試下呢句，等佢同你講I Love You！顯得你霸氣之餘，又可以證明對方有膽識！簡直就係高手過招！
誠意之選 – I can’t give you the world, but I will try my best to give what you deserve.
「只要對象係你，無論係時間、溫柔、心思、定天上嘅月亮，我都會奉獻畀你！」愛情講心唔講金，願意為對方付出，呢份誠意已經贏晒！
深情之選 - Forever seems too short after we met.
正如《短暫的婚姻》提過，「如果深愛，再長的婚姻也是短暫」。話畀愛人知，對你嘅愛永遠都仲未夠遠呀！
中文篇//
感恩之選 – 在有生的瞬間能遇到你 竟花光所有運氣
雖然Eason《明年今日》帶點悲傷，不過當中嘅歌詞絕對幫到你表達「遇到對的人」嘅感激之心！
行動之選 – 把我們衣服鈕扣互扣 那就不用分離
拖實對方都唔夠！要連衫都扣埋一齊癡到實！得啦得啦最閃係你！
驚喜之選 – 我根本無放你在眼內 因為我將你放心內
正所謂好戲在後頭！係激嬲人之前，記得快手補返句哄返人呀！個反差可以殺對方一個措手不及，令佢怦然心動！
文：陸永東
