【Now.com生活】「輕輕的我走了 正如我輕輕的來」辭職係咪都可以咁瀟灑？相信打工仔都經歷過遞信前後嘅掙扎、猶豫！唔使思前想後，以下為你破解辭職嘅迷思！
1/ FreshGrad 係咪要做夠一年先走得？
答：HR指唔使畀呢個情意結框住！如果做落份工真係唔適合自己，或有更好嘅選擇，FreshGrad盡早轉工都係個唔錯嘅做法，唔好浪費大家時間。
2/ 面對銀彈攻勢，留唔留低好？
答：辭職都要「毋忘初衷」！當你猶豫時，可以要衡量加人工可唔可以解決當初想辭職嘅原因。又不妨諗多層，諗吓點解老闆要去到最後一刻先加薪留你，佢值唔值得你留喺度先！
3/ 成功遞信後，有無需要同老闆透露新去向？
答：要視乎你轉工係轉行抑或過檔。如果轉行，就可以隨自己喜好決定透露與否。但如果你係過檔去同行競爭對手到做，就有可能需要講聲，睇吓同合約條款有無衝突。
4/ 遞咗信，就係皇帝？
答：唔好以為辭職後就可以Hea做，所謂「做人留一線，日後好相見」！辭職後，最重要向老闆、同事交代離任前嘅工作狀況，確保下一手順利交接。
見工、等Offer、辭職三部曲
鳴謝： 華德士商業服務部高級經理 莊志恆 Kelvin Chong
拍攝：KW
撰文、剪接：陸永東
