【A&M Diary】每次睇飲食比賽嘅節目，評審經常都會評論味道唔在乎食材有幾矜貴，而係廚師可以點樣將熟悉嘅味道重新演繹，估唔到喺和豐鮮就可以領略呢個道理。餐廳特意用上日式食材，但唔局限於傳統日式料理，由和豐鮮嘅廚師重新演繹，將自己對口感同味道嘅理解，演繹性唔同嘅食材組合。
和豐鮮：泡菜青瓜、話梅蕃茄、琥珀合桃
和豐鮮用唔同嘅豆類作為擺盤，營造出一個色彩繽紛嘅賣相！微辣嘅泡菜令清爽多汁嘅青瓜帶住一份刺激感；話梅嘅酸味令蕃茄變得甜中帶酸，十分開胃；琥珀合桃味道甜甜吔，口感鬆脆而唔黐牙。
泡菜青瓜、話梅蕃茄、琥珀合桃
和豐鮮：北海道馬糞海膽、岩手縣生蠔
用上嚟自北海道嘅馬糞海膽，成本大大提升！海膽甘甜，餘韻十分強烈，搭配咗魚子醬一齊食，兩者互相補足，甜度互相輝映；至於嚟自岩手縣生蠔大大粒，入口滑嫩，海水味極之濃厚，口感飽滿。
北海道馬糞海膽、岩手縣生蠔
和豐鮮：風乾話梅雞翼
用上16小時風乾先拎去炸，所以和豐鮮嘅雞翼異常香脆！口感似炸子雞，帶有微酸嘅話梅味道，但當加上特別調製嘅芥末醬後，中和返酸嘅味道同炸物油膩感，味道充滿層次。
風乾話梅雞翼
